Wat löppt die Tied met all den Joahren, un wir sind ault on gries jewoeren.
En stielen Zahn sewer domols gewesen, hütt sind et dökkes alt Prothesen.
Dröm hüert mer hütt su dann on wann, ja sach es, wekker besse dann?
Wat es ut der Kengertied noch parat? Dat es nit mier völl, ech meng, dat wöer schad.
Wekker kann, wie als Blagen, dann van us allen dat Remscheder Platt noch rechteg kallen?
Denn iente es us allen kloar, Plattkaller fengen, dat es schwoar.
Doch van dem Platt es afjesenn, mier fiel die Dag jet angersch enn.
Wenn ech su füer der Glotze sett, dann kuem ech dökkes nit mier met.
On gon ech dann es langes der Strooten, on mak die Döppe rechteg open,
dann denk ech mols su manche Kier, ech verstonn de Weilt nit miehr.
Van usserer Sproke es kuem noch jet üöwer, wekker hütt met der Tied gieat, der kallt völl liewer
Su wie de Amis – dann beste „in“, wie völl es van usserer Sproke alt henn.
„Joggen“ dont se, statt te luepen, on „Shopping“ makste, wellste jett kuopen.
Kiean Mensch kann kallen, hütt dont se „talken“ ech küen denn manchmol denn Pöppes
verwalken.
„Mini“ em kotten Röcksken mer giat, „Maxi“ em langen, wie verröckt es die Tied.
„Bläck“ es schwatt on „White“ es witt, on es jet bekangkt, dann es dat en „Hit“
On häulste de Muel, dann besse janz „cool“.
Es denn Auto baul em Emer, dat es keng Schrottkaar, dat es et en „Oldtimer“
An nix mier Spass, beste en janz fuelen Stock, do kasse nix füer, du häs kieanen „Bock“
Wat sen ech schmaitrech, sait mer früher für de Motter, tau dech on gew miar schier en Botter.
Hant se hütt Schmait, wat sagen se dann? Ech möcht enn „Sandwitch“ oder en „Hamburger“ han.
Se hant kieanen Vader, dat es hütt der „Daddy“, dat Magret van domols dat es hütt et „Maggy“
On all hat se an die Biänen de Jeans – früher woar dat Bleu-Lieanen.
En Weit door sech schminken, hütt nemmt et „Make up“.
Statt "kuem en de Kneipe" seet man „Welcome in the Club“
Lewt ieaner allengk, su nen ledigen Schlingel, sonn Jonggesellen nennen se „Single“
Ne Musikkapelle, uech, wenn mer se kennt, die maken kian Musik, die spielen Rock met der Band.
„Big Bock“ dat hüert mer uech alt dökkes, gat es kienen Bock, dat es nur jet Deckes.
En Miederböxken, dat es en „Sloggy“, on wenn de müed bös, dann böste „groggy“
Haren se Spass ongerm Karnevalskäppi, dann woeren se alle „very happy“, dat kisse doch nit en den
Kopp, et gött kieanen Laden mier, dat es en „Shop“, on wuelste jet vö en Backfesch kuopen, motste
en de Abteilung für „Fashion“ luepen.
Met Rasierwater dieste dech secher blamieren, „After Shave“ bruckt en Keel nom rasieren.
Ne Fahrkaate wulste bim Waiten gailen, dann kiekt ett, dat mot üwerlegen – ach sie meinen ein „Ticket“
On es dienen Grips nit mier gut jebaut, du häs nix verjeten, du häs en „Black out“
Würschker met Mostert, die Kasse verjeten, so dont allbeniean de „Hot Dogs“ freeten.
Alles nur noo kallen, dat es ne Blamasch, die Dütschen, die hant doch kienen Kopp und kienen Aasch,
Allerdings sujet, dat kann mer röheg sagen, dat kann ech ieanfach nit verdragen.
Dröm haul ech uech de Muel nit stell, wat te föll es es te föll.
Mer kiekt „Television“ keng Aas kiekt mier fern, ech krech de Kraumpe, wat sewer modern.
Et jöt noch völl miar, aitend es dropp, dann giat önk noch manche Löühte opp.
Wie ech mer dat su üewerleit,dat well ech önk sagen, do wuerd et mier schleit.
Wekker kann hütt noch van usseren Blagen rechteg
„Krüenselstrükelschen“ sagen?
Wir hant die nöe Tied jefreeten, us Hiemetsproke fast verjeten, dröm
geng ech ienfach hie no führen, om önk es wier Remscheder Platt te lieren,
Egal, wo de lews, em Dorpe oder Stadt, verjett nie deng Hiemetsproke dat „Remscheder Platt“
Bös Strackes
önker Klärchen