Wie ett su warm woar in derr letzten Weeke, woaren wir bie derr Schwegersche in derr Hermesmüöhl tom Eeten iengeladen. Ech unn derr Kaal. Datt woar su nett, datt wer us öwerleit hann, datt wer utnamswies ess doh öwerneihten. Dann kann och dä Kaal watt drenken bie dem Eeten unn donoh. Wir Wiewer haaren uss enn schüne Pfirsichbowle jemakkt, die woar arch lecker unn wir haaren och all ienen in de Timmelte.
Druuten hand werr lang geseeten, ett woar joo warm. Ierjentwann send wir dann müad jewooren. Wir send int Gästezemmer unn mien Schwegersche mit ihrem Mann emm Schloopzemmer int Bedde.
Midden in derr Neit bin ech oppjewacht und woar duojeschwett. Op datt vam Weeder kam odder van de Pfirsichbowle datt wuasst ech nit, woar mir aber och drietensegal. Opp ienmol viäl mir enn, datt de Schwegeersche in ierem Gaaren emm Wenkel hingerm Kappesfaat, newen dem Kradepuohl, direkt am Driewhus doch enn Gaarendusche hängen haar.
Datt wöar jetzt doch mal herrlech, deit ech bie miar. Sinn mal gewieft, ett iss joo stiekedüster und fitschte beäschteg und mit Iper ruut rechteng Gaarendusche. Ungerwegs hann ech datt Neitshemd uutjetrocken. De Heppkrats quaaken luot.
Opp ienmohl, ech woar schon fast unger de Dusche, stang ech pisspudelnackech mit ruotem Earpel emm daghellen Leite. Doo hand see doch tatsächlich im Gaaren enn LED Strohler met Bewegungsmelder ienjereiht. Watt nu. Mien Knokengeräppels unn Nackaasch woar festlech illemeniert .
Du Tölpeskopp, du Stiesel, du Demelack unn Döllmess, deit ech. Doo wolltst de su gau sinn unn dech ewen affküahlen unn nu stierst nackech im Gaaren in de Hermesmüöhl.
Nu iss ett och zu speet und dann bin ech gemeeklek noh de Gaarendusche unn hann mech ordentlich affjeküolt. Datt tat rechtech jut.
Am nechsten Dag hätt doch kiäner van demm Schandaal disse Neit im Gaaren watt mitjekrägen unn datt woar gut su. Evver nechstes Mol kiek ech nich nur wo de Gaarendusche stiät sondern och opp en Bewegungsmelder mit demm LED-Strohler doo drahn hängt.
Bis strackes, önker Klärchen
____________________________________
Schandaal/Skandal, ienen in de Timmelte hann/angetrunken sein, Kappesfaat/Sauerkrautfass, Kradepuohl/Froschteich, Driewhus/Treibhaus, fitschte beäschteg/eilte eifrig, Iper/Eifer, Heppkrats/Frösche, Knokengeräppels/Knochengerüst, festlich illeminiert/festlich ausgeleuchtet, gau sin/schlau sein